Кафирун сураси матни ўзбек тилида

Бисмиллаҳир Роҳманир Роҳийм

1. Қул йаа аййуҳал каафируун;

2. Лаа аъбуду маа таъбудуун;

3. Ва лаа антум ъаабидууна маа аъбуд;

4. Ва лаа ана ъаабидум маа ъабадтум;

5. Ва лаа антум ъаабидууна маа аъбуд;

6. Лакум диинукум валия диин.

---

Кафирун сураси ҳақида маълумот

Маккада нозил бўлган. 6 оятдан иборат.

Ушбу сураи каримага ҳам унинг биринчи оятидаги «каафируун» – «кофирлар» сўзи ном бўлиб қолган. Аллоҳ таоло Набий алайҳиссаломга ушбу сурада мушрикларга нисбатан «Эй кофирлар!» деб мурожаат қилишни амр қилган.

Каафирун сураси маккий суралардан бўлиб, у «тавҳид сураси», «ширкдан покланиш сураси» деб ҳам васф қилинади.

Ривоятларда келишича, бир гуруҳ Қурайш кофирлари Пайғамбаримизга:

– Келишайлик, биз сенинг динингга эргашайлик, сен ҳам бизнинг динга эргаш, биз сенинг илоҳингга бир йил ибодат қиламиз. Сен бизнинг илоҳимизга бир йил ибодат қиласан, – дейишди. Шунда ул зот:

– Аллоҳ сақласин! Мен У Зотга ҳеч ширк келтирмайман, – дедилар. Кофирлар:

– Бизнинг баъзи бутларимизни тавоф қилгин (сиғин), биз сенинг илоҳингга ибодат қиламиз, – деганларида, ушбу сура нозил бўлган экан.